القاهرة – المواطن
تساءل عدد كبير من الجماهير عن سبب غياب برنامج “كلام الناس” عن العرض، ورجح البعض أن البرنامج قد تم إيقافه نتيجة الآراء المثيرة التي تعرضها مقدمة البرنامج الإعلامية ياسمين عز في برنامجها.
حقيقة إيقاف برنامج كلام الناس
ولكن خرجت الفنانة ياسمين عز عن صمتها لتوضح حقيقة غياب البرنامج عن الأضواء، فنشرت صورة لها عبر حسابها علي موقع التواصل الإجتماعي لتبادل الصور والفيديوهات “إنستجرام” وعلقت عليها كاتبةً:” أجازة أسبوع ولما أرجع أشوف عملتوا ايه مع الفرعون”.
نصائح ياسمين عز للمقبلين علي الزواج
وفي وقت سابق كشفت الإعلامية ياسمين عز عن السبب وراء عدم قدرة الشباب علي الزواج مؤكدة أنه يرجع للمقارنة بين البنات فقالت:”العروسة بتطلب دهب مش أقل من هايدي بنت عمها والعريس الغلبان بيخرج من عندهم شعره شايب ومطقطق من كتر الطلبات”.
وواصلت ياسمين عز حديثها:”عيشي عيشة أهلك ومتتعمليش مع خطيبك أنه بيل جيتس وبيتك مفيهوش غير شاشة ٣٢ بوصة وتطلبي من خطيبك شاشة سمارت عشان تتفرجي على شاهد، وكمان تتفرجي على مسلسل أزمة منتصف العمر”.
وأضافت ياسمين عز:”بتطلبي غسالة أطباق ومكسلة تغسلي الطبق اللي هياكل فيه فرعونك حبيبك، وبتقولي عايزة تلاجة ميني بار عشان خايفة تمشي على رجلك تجيبي ماية من المطبخ، هاتي كباية ماية جنبك وكفاية دلع ماسخ ملهوش لازمة”.
نصائح للتعامل مع الخلافات قبل الزواج
وفي الخلقة ذاتها تطرقت ياسمين عز للحديث عن الخلافات التي تحدث بين العريس والعروسة بسبب قائمة فقالت:”العريس والعروسة بيتخنقوا على القايمة وبينسوا المودة والرحمة اللي بينهم والعفش بيرجع للعروسة تاني متكسر بسبب العند، اللي يأتمن على العرض لازم يخاف عليها اكتر ما يخاف من ورقة قايمة، وبتنسوا كل حاجة وتفتكروا شوية كراكيب وتنسوا الرحمة، والمفروض ولا قايمة اللي تزعلكوا من بعض ولو معاه مال الدنيا واخلاقه وحشه هتجري”.
وأختتمت حديثها لافتةً:”أنتي بتنسي انه صرف اللي وراه واللي قدامه عشان يتجوزك، ومش ورقة منقولات اللي هيضمنوا أنه كويس، اخلاقه وأصله اللي هيضمنوا أنه كويس”.
